“Түһүлгэ – 2025”күрэх Томпо оройуонун киин модельнай библиотекатыгар буолан ааста.

Балаҕан ыйын 27 күнүгэр Саха Өрөспүүбүлүкэтин Судаарыстыбаннаһын күнүгэр
аналлаах “Түһүлгэ – 2025”күрэх Томпо оройуонун киин модельнай библиотекатыгар буолан ааста.
Кыттыыны ыллылар Ефим Егорович Протопопов аатынан Саһыл орто оскуолатын кэрэҕэ-сырдыкка уһуйааччылара – “Кэриэн ымыйа” айар бөлөх уонна Хаандыга бөһүөлэгиттэн “Кыталыктар “ диэн талааннаах кэрэ аҥаардар хамаандалара.
Бу тэрээьиҥҥэ биьиги кыттааччыларбыт хайдах курдук төрөөбүт-үөскээбит дойдуларын күүскэ таптыылларын, кини историятын сэргииллэрин уонна билэллэрин мындыр өйдөрүнэн бигэргэттилэр.
Саха төрүт аһа маанылаах сандалы хотойорунан тардылынна. Манна минньигэс ас арааһа уонна тупсаҕай киэргэтии сөхтөрдө.
Маны таһынан саха далбар хотуна сатабыллааҕа, иискэ-ууска дьоҕурдааҕа,ол иһигэр аныгылыы ньыманы туттан сиэдэрэй оҥоһуктары сатыыра улахан болҕомтону ылла.
Күрэх быыһыгар бары биир киһи курдук сахалыы флешмоб үҥкүүлээтилэр уонна «Бэйэ оонньуутугар» үөрэ-көтө кытыннылар.
Түмүккэ «Кэриэн ымыйа» айар бөлөх уһуйааччылара «Түһүлгэ — 2025» күрэх муҥур кыайыылааҕынан буоллулар, оттон «Кыталыктар» анал ааттарынан наҕараадаланнылар.
Ити курдук,тапталлаах Сахабыт Сирин Судаарыстыбаннаһын күнэ олус үөрүүлээхтик, биир умнуллубат түгэн буолан,өрө көтөҕүллүүлээхтик ыытылынна