“Удьурҕай-Баатыр” Николай Якутскай остуоруйатынан аахпыты тургутуу.
Тапталлаах суруйааччыбыт Николай Якутскай остуоруйаларыгар оҕону өй-санаа, сиэр-майгы, чөл кут, истиҥ ис туруктаах, баай дууһалаах буоларга уһуйуу иитии көстөр. Кини айымньылара хас оҕо, ыччат ааҕааччы өйүгэр-санаатыгар дириҥник иҥэр, дууһатыгар сөҥөр.
Удьурҕай-Баатыр кырдьаҕас ийэлээх аҕатыгар атаҕастабылы-батталы булан суох гынаары орто дойдуга удьурҕайтан кыһыллан оҥоһуллар. Төрөппүттэрин иэһин төлөөрү Хара хааҥҥа үлэһит бэрдэ буолар. Орто дойдуга моҕой уонна хотой мөккүспүттэрэ ырааппыт эбит. Сээркээн сэһэн удьурҕай уол мөккүөрү быһаарар буолан айыллыбытын этэр. «Ис сүрэҕиҥ тугу саныырынан быһаарыахтааххын. Эйигиттэн ураты ким да ону быһаарыа суоҕа», — диир. Хараҕа суох уолга моҕой хараҕа олох куһаҕанын кэрэ гынан көрдөрөр алыптаах, оттон хотой киэнэ төттөрү олоҕу туох баарынан, дьиҥинэн көрдөрөр. Удьурҕай баатыр сүрэҕинэн салайтаран моҕой хараҕын ылбат, хотой хараҕын талар. Онон мөккүөргэ хотой хотор.
Удьурҕай Баатыр остуоруйа саҕаланыыта мөккүөрү быһаарарыгар олус мунаарара, мунаахсыйара көстөр. Тиһэҕэр сүрэҕин этиитинэн ылбыт быһаарыныыта киниэхэ чиэһинэй буолары, норуоту атаҕастыыр баайы утарар суолу ыйар. Бүтэһиккэ Удьурҕай баатыр көнө өйдөөх, ыраас сүрэхтээх буолар.