Аҕа дойду Геройдарын күнүгэр Кыайыы 80 сылын түмүктүүр Үөгэн култууратын киинэ уонна олохтоох библиотека улахан дьоҥҥо үстүү киһилээх үс хамаандаҕа өй оонньуутун ыытта. Оонньуу уопсайа биэс түһүмэхтэн турда. Ол курдук бастакы түһүмэххэ байыаннай тиэмэҕэ сөптөөх тыллары ребуһунан таайдылар. Иккис түһүмэх – «Өркөн өй”. Манна сэрии кэмин историятыгар сыһыаннаах ыйытыыларга эппиэттээтилэр. Үһүс түһүмэххэ хамаандалар сэрии кэминээҕи ырыалары ситэрэн ыллаатылар, төрдүс түһүмэх – “Геройдары таай”. Манна хартыынанан Сэбиэскэй Сойуус уонна Арассыыйа геройдарын таайдылар. Бэһис түмүктүүр түһүмэххэ сэбиэскэй киинэлэри ырыаларынан таайдылар. Бары түһүмэххэ кыттааччылар олус көхтөөхтүк оонньоотулар. Элбэх баалы хомуйан, кыайыылааҕынан «Катюша» хамаанда тахсан харчынан бириис ылла. Кыттааччыларга Үөгэн култууратын ааттыттан сэмэй
бэлэхтэри туттардылар.
Татьяна Гоголева
