Сурунаал бастакы нүөмэрэ 1926 сыллаахха алтынньыга, ВКП(б) Саха Сиринээҕи бюротун быһаарыытыгар олоҕуран, тахсыбыт. Бу нүөмэр саха уус-уран литературатын биир төрүттээччитэ А. И. Софронов редакциятынан таҥыллыбыт. Кинини тэҥэ редакция бөлөҕөр В. Н. Леонтьев, А. Ф. Бояров, А. А. Иванов — Күндэ үлэлээбиттэр.
Сурунаал сүрүн эрэдээктэрдэринэн биллиилээх суруйааччылар, суруналыыстар А. И. Софронов, Н. Е. Мординов — Амма Аччыгыйа, В. М. Новиков — Күннүк Уурастыырап, С. Р. Кулачиков — Эллэй, Н. Г. Золотарев — Николай Якутскай, В. С. Яковлев — Далан, Д. В. Кириллин, А. А. Егоров, С. Н. Горохов, П. П. Никитин, П. Д. Аввакумов (1996-2005), Н.Е.Винокуров-Урсун үлэлээбиттэр.
2015 сылтан сурунаал сүрүн эрэдээктэрэ — Макеев Данил Николаевич.
