Саҥа күн кэриэтэ
Биир сылбыт көтөн ааста
Ол аата биһиэхэ
Үөрүүлээх күммүт үүннэ
Саҥа дьылга үөрүүбүтүн
Чугас дьоннуун үллэстиэххэ
Саҥа сылга сырдык дьолу
Бары эрэнэ күүтүөххэ.
Тохсунньу 13 киэҺэтиттэн саҕалаан тохсунньу 14 күнүгэр
буолар, Эргэ Саҥа дьыл күнүн, 2024 сылы көрсө, ааспыт 2023 сылы атаара
КАРАОКЕ киэҺэтигэр ырыаны сэӊэрээччилэр модельнай библиотека
аактабай саалатыгар муҺуннубут.
Бастакы түҺүмэҕинэн Эргэ Саӊа дьылга аналлаах эҕэрдэ кэнсиэр
буолла. Манна буоларын курдук биҺиги библиотекабыт саамай актыыбынай,
күүтүүлээх ыалдьыттарынан Елена Кугданова – Дьэлиэнэ, Алина Федорова,
Светлана Пермякова, Зоя Яковлева, Богдан Эверстов, Полина Попова,
Иванна Сергеева, Күннэй Леханова уонна Саха Республикатын культуратын
туйгуна Елена Кугданова салайааччылаах “Иэйии” ырыа ансаамбыла
буоллулар. Аптаах – алыптаах кэрэ киэһэтигэр биһиги ыалдьыттарбыт ырыа
– тойук кэһиилээх кэлэн ылбаҕай ырыаларын бэлэхтээтилэр, күндүлээтилэр.
Иккис түҺүмэҕинэн Караокебыт истиӊ иҺирэх ырыалара, кими да хаалларбакка, бука бары көхтөөхтүк кыттыбыт дьоро түгэнэ буолан ааста. Манна ылланнылар сахалыы, нууччалыы, английскайдыы этиэхтэн эриэккэс ырыалар.
Онон дьоро киэһэҕэ кэлбит бары ыалдьыттар умнуллубат дьикти
түгэннэри бэлэх ылан, үѳрэн-кѳтѳн кэлбиттэрин кэмсиммэккэ ыллаан-
туойан, сынньанан, кэпсэтэн-ипсэтэн астыннылар, ѳссѳ да маннык караоке киэҺэлэрэ буолалларыгар баҕа санааларын эттилэр.
Бары кыттаачыларбытыгар истиӊтэн истиӊ кэлбит Саӊа 2024 сылынан
эҕэрдэ, доруобай, дьоллоох буолуӊ! Барҕа махтал тылын анаатахпыт
буолуохтун!
Эргэ Саҥа Дьыл аптаах киэһэтэ биллибэккэ көстүбэккэ, ырыа тойук
доҕуһуоллаах, кэрэ кэпсээн, үҥкүү – битии аргыстаах түмүктэнэ оҕуста.
Ырыа дорҕооно салгыҥҥа дьиэрэйэн симэлийдэ, үҥкуу нарын иэйиитэ эһиги
сүрэххитигэр киирэн саста. Ол эрээри Кириһиэнньэ кэмин үөрүүлэрэ өссө да
салҕаналлар.
Иккилиир тыһыынча сүүрбэ түөрт сылыгар,
Итиилээх – тымныылаах дракон дьылыгар
Баҕарбыт санааҕыт барыта туолуохтун,
Баай – талым олоххут барҕара туруохтун!
Александра Ефимова,
модельнай библиотека библиотекара.