Ыам ыйын 22 күнүгэр Саха сиригэр Сайылык күнэ бэлиэтэнэр. Бу бырааһынньыгы 2018 сыллаахха алтынньы 6 күнүгэр Ил Дархан Айсен Николаев бэйэтин ыйааҕынан олохтообута. Бу күн өбүгэлэрбит өйдөбүллэринэн, Сахабыт сиригэр Саҥа сыл саҕаланар. Оттон сылы этэҥҥэ туораан, күөххэ үктэнии, сайылыкка көһүү дириҥ суолталаах, күүтүүлээх кэм. Мантан инньэ унньуктаах уһун кыһыны этэҥҥэ туораан, сырдыкка эрэл улаатар, биир күн бүтүн дьылы аһатар эппиэттээх кэмнэрэ үүнэллэр.
Үөгэн библиотекатыгар бу күн ааҕааччылар сахалыы таҥастаах мустаннар, сахалыы астаах сандалы тула олорон Сайылык күнүн бэлиэтээтилэр, Аҕам саастаахтарбы Сайылыкка көһүү ол ааспыт кэмнэрин кэпсээтилэр. Ол кэннэ биктэриинэлэр ыытылыннылар: Үөгэн нэһилиэгэ төрүттэммитэ 100 сылыгар анаан, хороҕор муостаах туһунан , алаастар, күөллэр ааттарын сахалыы , нууччалыы тылларын булуу, сахалыы астар рецептэринэн ханнык ас буоларын таайыы. Сайылык күнүн оһуохайынан түмүктээтибит.