Сэтинньи 2 күнүгэр, сахалыы ааҕыыны көҕүлүүр сыаллаах, алын кылаас оҕолоругар уонна төрөппүттэригэр “Өркөн өй” аахпыты тургутар оонньуу ыытылынна. Барыта 4 оҕо төрөппүттэрин кытта кытыннылар: Слепцов Савелий эбэтинээн Саргылана Васильевналыын, Бурцева Дияна эбэтинээн Елена Петровналыын, Бурцев Ярик ийэтинээн Антонина Павловналыын уонна Арылхан Гоголев аҕатынаан Василий Васильевичтыын. Оонньуу саҕаланыытыгар библиотекарь Татьяна Николаевна оонньуу быраабылатын билиһиннэрдэ, сахалыы ааҕыыны өйүүллэригэр баҕарда. Оонньуубут “Биэс ынахтаах Бэйбэрикээн эмээхсин” саха биир бастыҥ остуоруйатынан ыытылынна. Үс түһүмэхтээх, биэстии ыйытыылаах тургутугу аастылар. Хас түһүмэх аайы ыйытыылара ыараан иһэллэр, икки көмө көрүллэр. Кыттааччылар Биэс ынахтаах Бэйбрикээн эмээхсин остуоруйаттан араас эриэхэбэй ыйытыы тургутуктарын ааһан үһүс түһүмэххэ тиийэн, ыйытыыларга ыарырҕатан бары үрүҥ көмүс мэтээли иилиннилэр, сэмэй бэлэх ыллылар. Бу маннык сахалыы ааҕыыны көҕүлүүр араас ааҕыылар, оонньуулар Үөгэн библиотекатыгар ый аайы ыытыллыа. Сахалыы ааҕыны көҕүлүөххэйин!
